Bakıda daha bir unikal bina inşa olunacaq

“Kuvait Tower” adlı bu bina Bakıda fəaliyyət göstərəcək ərəb sərmayəçilərin əsas mənzil qərargahı olacaq. Bina Bakının yaxın gələcəkdə ən elit zonasına çevriləcək Bakı Ağ Şəhər daxilində tikiləcək.

“Kuvait Tower”in yeri və digər texniki məsələlər artıq razılaşdırılıb. Hazırda Ağ Şəhərdə Nobel prospekti yaxınlığında inzibati bina və bir neçə yaşayış binasının tikintisi davam etdirilir.

Azərbaycan Memarlıq tarixinə düşəcək əlamətdar hadisə

Bir müddət əvvəl (8 fevral, 2013-cu ildə) Azərbaycanın ilk kosmik peykinin orbitə buraxılması hadisəsi baş tutdu. Bu Azərbaycan tarixinə düşəcək əlamətdar hadisələrdən biridir. Bu hadisə ilə yanaşı Azərbaycan tarixi və Azərbaycan Memarlıq tarixinə düşəcək başqa bir əlamətdar hadisə isə peykin idərə onuması mərkəzinin tikilməsi və istifadəyə verilməsidir.

Müəllifi Azərbaycan Respublikasının Əməkdar Memarı olan Nəriman İmaməliyev, Azərkosmos layihəsinə 2011-ci ildə start verilmiş və mürəkkəb konstruktiv həllinə baxmayaraq qısa vaxt ərzində tikintisi başa çatdırılmışdır. Layihə bir çox cəhətlərinə görə ölkəmizin Memarlıq tarixinə düşəcək nadir layihələrdəndir.